كيمو
اسرة منتديات كريم ترحب بكم
التقديم فى الكليات العسكرية بيتم على عدة مراحل وهى W6w_w6w_200504251358590b72bd4e





 
الرئيسيةبوابة كريمالتسجيلدخول

شاطر
 

 التقديم فى الكليات العسكرية بيتم على عدة مراحل وهى

اذهب الى الأسفل 
كاتب الموضوعرسالة
الكنج
مشرف عام
مشرف عام
الكنج

ذكر
عدد المساهمات : 1249
العمل/الترفيه : موجه بالازهر

التقديم فى الكليات العسكرية بيتم على عدة مراحل وهى Empty
مُساهمةموضوع: التقديم فى الكليات العسكرية بيتم على عدة مراحل وهى   التقديم فى الكليات العسكرية بيتم على عدة مراحل وهى Emptyالسبت 18 يوليو - 15:56

بسم الله الرحمن الرحيم

السلام عليكم ورحمة الله وبركاته انا كتبت الموضوع ده علشان ايسر على الشباب اللى عاوز يقدم فى الكليات
العسكرية
التقديم فى الكليات العسكرية بيتم على عدة مراحل وهى ؛
اولا سحب الملف
حضرتك بتروح الكلية الحربية تسحب الملف ب60 جنية مصرى وبتتصور هناك مرتين مرة للجسم كلة على مسطرة
وانت واقف وقفة عسكرية لوجهك الجميل وبتم العملية دى على مسافة ساعتين تقريبا ولازم تلخد معاك قلم وتكون
حاق شعرك وسوالفك و إلا هتحلق هناك فى الشارع وبعشرة جنية ولازم تكون لابس جزمة او كوتش
ثانيا ملء الملف
الملف اللى انت استملته فى مرحلتين من التقديم
اولا المرحلة الاولى
بتكتب بعض بيانتك وبينات العائلة الكريمة ولو مفيش مكان بنكتب لا يكن وانت بتسحب الملف اصلا فى ناس
وانت مستنى الصور بيقوللك على كل حاجة ركز معاه اوى وخلى بالك بيطلب منك مستند القيد العائلى ب 11 جنية
وبياخد وقت10 ايام يعنى لازم تكون عاملة قبل ما تسحب الملف هو بيتعمل فى العباسية ولازم تروح بدرى جدا
علشان بيبقى موت يجى حوالى 300 واحد والاوراق المطلوبة هى صورة(شهادة ميلاد الاب او بطاقة الرقم القومى
ولازم تكون مميكنة وكذلك الام +عقد الزواج +صور شهادات ميلاد الابناء مميكنة ولازم تكون مميكنة علشان تكون
على شبكة الداخلية) وكمان بيطلب منك صورة لشهادة الثانوية العامة وتكون وش وظهر ومختومة صورة طبق
الاصل من المدرسة علشان بيرجعوا ناس والله زى واحد خاتمها من اى مصيبة و واحد مصورها وش بس
لو مش عارف تختمها خد معاك الاصل والصورة وملكش دعوة
ثانيا المرحلة الثانية
دى اربع ورقات بتقدمها بعد نجاحك فى الكش الرياضى او الطبى ومعاه بعض الاوراق
ثالثا تقديم الملف
بيكون تقديم الملف فى بولبة الاستاد بتاع الكلية الحربية وهناك بيقسموكم على حسب المجموع فى الثانوية العامة
وبيقيس الطول والوزن علشان تعرف و تحاول تظبط الطول مع الوزن واللى طوله اقل من 168 بيحول الى
لجنة الجوية هو واللى جايب اقل من65% وبتمتحن اول امتحان امتحان القدرات ودة عبارة عن 100 سؤال
بتجواب عنهم فى 10 دقائق فقط وبتكون اسئلة غى التاريخ والعلوم والجغرافياواسئلة شخصية وبعد ما بتمتحن
بيقولك على ميعاد النتيجة وبيكون من البوابة اللى انت سحبت منها الملف وهناك بيقولك تيجى ازاى فى الكشف
الطبى اللى ناجح طبعا ولازم تروح الكشف صايم هو هيقول كدة لكن انت هتروح صايم فى اليوم اللى بعد
الاول علشان التحاليل وتكون هناك الساعة 6
رابعا الكشف الطبى
بعد ما تنجح فى اختبار السمات بيكون الكشف اللى بعدة الطبى ولازم تروح فى الميعاد المحدد والا تعتبر من
المتخلفين عن ميعاد الكشف وبتاخد ميعاد تانى خالص بعد شهر او يقل ولازم تكون رايح بشورت ابيض سبعة
وبيتم الكشف على يومين


1-كشف القوام؛
الكشف دة عن ظبط الطول مع الوزن وانت بتخش على اله موصلة بحاسب الى بتقيس الطول مع
الوزن
2-كشف الجلدية؛



بيتم عرضك على الدكتور وبيشوف اذا كان عندك اى جرح او مرض جلدى
3-كشف الاسنان؛



الكشف دة مش عاوز تعريف هو بس بيشوف الاسنان مظبوتة ولا
4-كشف العظام؛



دة بيشوف شكل الجسم وبعض الحالات مثل الفلات فوت اتقوس الالتصاق الناتج عن التقوس
واحيانا بيطلب منك عمل عقلة وعلى فكرة الكشف دة بيطلع اكثر من 60%من الناس اللى طالعة طبى
5-كشف الانف والاذن؛



لازم تكون رايح الكشف دة غاسل اذنك واحد يقولى اغسلها بالمية والصابون فى البيت لا
يا فالح الغسيل دة بيكون عند دكتور علشان بنظف الاذن من الشمع علشان الدكتور يقدر يشوفداخل الاذن
6-كشف الرمد وعمى الالوان؛



نبدا بعمى الالوان بيعرض عليك كذا صورة وتقول الرقم اللى فيها ولو عاوز تختبر
نفسك الصورودة رابط لو عاوز تشوف الكشف ازاى(http://asaher.com/testco/test1.php) بعد كدة كشف
الرمد انت طبعا عارف اللوحة اللى عليها دوائر مفتوحة
7-كشف الجراحة؛



وما ادراك ما كشف الجراحة كشف قلة الادب طبعا انت فى الكشوفات دى كلها بتكون بقطعة
واحدة بس هى الشورت الابيض السبعة فى الكشف دة بتخلع القطعة مش بس كدة لا بتدور وتوطى كمان والدكتور
يفتح رجليك وياعب فى !!!!!!!!! انت عارف!!!!!هههههههههههه
8-كشف الباطنة؛



انا مش عارف لية الكشغ دة بس الدكتور بيفضل يزغزك وخلاص
9-كشف النفسية؛



بيطلب منك النطق ببعض العبارت علشان يشوف عندك حرف ولا لا زى(44 66 امر امير
الامراء....................)
10-كشف المعمل؛



بياخد منك عينة دم وعينة بول
11-كشف الموجات الصوتية؛



الكشف دة على الكلى بالموجات فوق الصوتية
12-كشف الاشعة على الصدر؛



دةكشف على الرئة
13-كشف قاع العين؛



انت بتاخد قطرة من محلول معين بيخليك متشوفش فى النور دة علشان بيوسع انسان العين
علشان الدكتور يقدريشوف اللى داخل العين ودة بردة من اصعب الكشوفات ولازم متحطش القطرة دى قبل ما
تمتحن رمد علشان القطرة دى بتاثر على الرؤية
طيب انا لو سقطت فى كشف اعمل اية, هو بيعرض على دكتور تانى فى عيادة تانية اجبارى ومن حقك وفى نفس
اليوم بس تكون رايح بدرى ولو سقطت لا قدر الله يبقى ليك التماس ب20 جنية اختيارى هوبعد ما بتسقط بيعطيك
ورقة لو عايز تعمل التماس وبعدها فى اى وقت بعد اليوم اللى انت فية تروح تقدم الورقة والعشرين جنية
و بتاخد ميعاد جديد وبيكون دة فى نفس الشباك اللى بياخد فية البصمة بتاعتك فى الاول


خامسا الكشف الرياضى
طبعا وانت بتستلم الملف بيكون معاه كتيب ارشادات هة فية الكشف الرياضى بالتفصيل ولنا مقدرش اقول اكتر
من اللى فيه
سادسا كشف الهيئة
انت بتروح من البوابة اللى انت سحبت منها الملف بتكون لابس اللبس الخاص اللى هو اية ؟ اللى هو بنطلون اسود
وقميص ابيض وجزمة سوداء وبيعطيك ورقة فيها بيانات لحضرتك تحفظها وتخش على اللجنة المكونة من مديرى
الكليات العسكرية وبتلقيها عليهم بكل ثبات وثقة وبدون اى خوف وتردد وممكن يسالك اسئلة معينة يقصد بيها اى
شىء مثلا على سبيل المثال طاعة الاوامر العسكرية ولو كانت من نظرك غلط فى غلط زى مثلا عوم فى التفة دى
ترد تقول اية ؟!!!!!! تقول على طول (بعد اذنك يا افندم علشلن متترتش)وغيرها
سابعا العرض العام
لا تعليق

ملحوظات


طيب الناس اللى بتخش جوية الناس دى لما بيشك ان هو ينفع للكلية الجوية بيحولة للمجلس الطبى الجوى بالتليفون
وااناس اللى بتخش بحرية دة بيكون بيعرف يعوم....................................

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://saiedepied.yoo7.com
منى كريم
مديرة المنتدى
منى كريم

انثى
عدد المساهمات : 6767
العمل/الترفيه : وكيلة بالازهر

التقديم فى الكليات العسكرية بيتم على عدة مراحل وهى Empty
مُساهمةموضوع: رد: التقديم فى الكليات العسكرية بيتم على عدة مراحل وهى   التقديم فى الكليات العسكرية بيتم على عدة مراحل وهى Emptyالجمعة 1 أكتوبر - 6:06

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
صبحى لطفى
مشرف أقسام


ذكر
عدد المساهمات : 141
العمل/الترفيه : مدير ادارة بشركة بترول

التقديم فى الكليات العسكرية بيتم على عدة مراحل وهى Empty
مُساهمةموضوع: رد: التقديم فى الكليات العسكرية بيتم على عدة مراحل وهى   التقديم فى الكليات العسكرية بيتم على عدة مراحل وهى Emptyالجمعة 22 أكتوبر - 15:58

التقديم فى الكليات العسكرية بيتم على عدة مراحل وهى 979526 التقديم فى الكليات العسكرية بيتم على عدة مراحل وهى 979526 التقديم فى الكليات العسكرية بيتم على عدة مراحل وهى 979526
الرجوع الى أعلى الصفحة اذهب الى الأسفل
http://kemo.twilight-mania.com/profile.forum
اصآيل
مشرف
مشرف
اصآيل

انثى
عدد المساهمات : 175

التقديم فى الكليات العسكرية بيتم على عدة مراحل وهى Empty
مُساهمةموضوع: رد: التقديم فى الكليات العسكرية بيتم على عدة مراحل وهى   التقديم فى الكليات العسكرية بيتم على عدة مراحل وهى Emptyالخميس 18 نوفمبر - 7:03

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://kemo.twilight-mania.com
 
التقديم فى الكليات العسكرية بيتم على عدة مراحل وهى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كيمو :: مراحل التعليم :: التعليم الجامعى-
انتقل الى: