على ذكـر الـمـواجع والسفر والحـل والترحـال
طـويـت آخـر ورق عندي في دفـتر أحزانـي
طـويتـه وانـكسر قـلبي وصـوتي بالمواجع ســال
ودريت إن الظلام اللي تـحت كـف السهر جاني
جـلست أجـمع مسافـاتي وأغـني للسفـر مـوال
على صـفحـة مـن المـاضي بـها حلمي وعنواني
بـها كـم سـافرت عـيـني ليالي والظلام أهـوال
وبـها كـم سـافرت روحـي وأنا بالليل وحداني
حـبيبي كـل ما أشـوفـك تجي بالذاكـره تـختال
نـهر مـن فايض الذكرى يـجي من داخل أشجاني
تـخيل يـوم عانقني خيالك .. خـاطـري وش قال
تـخيل قبل أسـولفلك نشدنـي عـنك وجـداني
نـشدنـي لـين خـلاني مـدينه هـزهـا زلـزال
تـخيل مـاهـدى حـتى لـقـاك بوسط شرياني
أروح لسدرة الـمـوعد مـعاي لمـوعـدك مـرسال
وأخـاف إنـك تـجي قبلي وتـرحل قبل تلقاني
هنا كانت ليالينا غـــــلا و الـمقبلات آمـال
وهنا كانت مـواعيدك مـطر تـخضر بـه أغصاني
هنا شف .. بـاقي آثـارك على رمـل الوعد مازال
وهـنا شف دمعه طـاحت من عيونك على شـاني
حبيبي حبيبي لا تـنشدنـي عـن أوضاعي وكيف الحال
أنـا بـعدك سـحاب أبيض أضـم الريح بأحضاني
تسافر بي الذكرى وأحسب إني وصلت آخـر وطن بالبال
واثـرني مـاوصـلت إلا بدايـــة درب حرماني
وتـبقى سـيرة الذكـرى قصيده تكتب الـترحـال
سـوالـف للعيون اللـي صـداهـا "دمعة أحزاني
ممآ راق لـــي
