الكنج
مشرف عام
عدد المساهمات : 1249
العمل/الترفيه : موجه بالازهر
 | | موضوع: الاحتواء واسباب الحب الإثنين 27 يوليو - 0:12 | |
| ع
لكل حاجة دوافع
في رأيي
الغرض من الحب هو إن شخص يتملكك
يحتويك
تكون ملكه (يعني بتاعه)
تديله صك عبوديتك يكون ليه للأبد
[ندعوك للتسجيل في المنتدى أو التعريف بنفسك لمعاينة هذه الصورة]
ليه بقا ؟؟
الواحد لما يكون معاه حاجة بتاعته بيخاف عليها . . . بيحافظ عليها . . . بياخدها معاه في كل حتة .
بيحب يطمن عليها
يمسحها بفوطة
يحط عليها ملاية عشان مش تلم تراب
يخاف عليها من الهوا اللي بيعدي جنبها
لو يطول يحطها جواه كان حطها . . . بس خير . . . يا خسارة مش يعرف
[ندعوك للتسجيل في المنتدى أو التعريف بنفسك لمعاينة هذه الصورة]
و اعتقد إن هوا دا الدافع اللي بيخلي حد يحب أو يفكر في الحب
انه يكون ملك لشخص آخر
يضع لجامه في يده , يقوده كيفما شاء
و اينما اراد – في أي حتة يروح وراه
[ندعوك للتسجيل في المنتدى أو التعريف بنفسك لمعاينة هذه الصورة]خير
محدش عارف الخير فين . . .
بس يا جماعة دا رأي خاص بيا (مستر فتوح) .
فيه كلمة انا اعتز بها جدا
وحاططها قدم عيني دايماً
"الحب هو الاحتواء . . . أن تحتوي أحد أو أن يحتويك"
[ندعوك للتسجيل في المنتدى أو التعريف بنفسك لمعاينة هذه الصورة]
الحب هو الاحتواء
تاخده جواك
الحب
مش بس بتكلم عن حب الرجل لزوجته
[ندعوك للتسجيل في المنتدى أو التعريف بنفسك لمعاينة هذه الصورة]
لأ
انا بتكلم عن الحب عموماً
حب ربنا لينا , وحبنا لربنا
حبنا لسيدنا و معلمنا ورسولنا ونبينا محمد صلى الله عليه وسلم
وحبه لينا وخوفه علينا
[ندعوك للتسجيل في المنتدى أو التعريف بنفسك لمعاينة هذه الصورة]حب ماما ليا وحبي ليها
[ندعوك للتسجيل في المنتدى أو التعريف بنفسك لمعاينة هذه الصورة]
حب الأم لولادها
[ندعوك للتسجيل في المنتدى أو التعريف بنفسك لمعاينة هذه الصورة]
, وحب الأب لأولاده
[ندعوك للتسجيل في المنتدى أو التعريف بنفسك لمعاينة هذه الصورة], وحب الصديق لصديقه
[ندعوك للتسجيل في المنتدى أو التعريف بنفسك لمعاينة هذه الصورة]
, وحب الشخص لكرسيه و الموبايل بتاعه و سريره وغرفته
[ندعوك للتسجيل في المنتدى أو التعريف بنفسك لمعاينة هذه الصورة]
, حب الشخص للشغل بتاعه و المشروع اللي شغال فيه
[ندعوك للتسجيل في المنتدى أو التعريف بنفسك لمعاينة هذه الصورة]
, حبك للدكتور اللي علمك
[ندعوك للتسجيل في المنتدى أو التعريف بنفسك لمعاينة هذه الصورة], وحبك للأطفال اللي انت بتربيهم وتعلمهم , وحبك لحبهم ليك وطريقة نداهم لأسمك
[ندعوك للتسجيل في المنتدى أو التعريف بنفسك لمعاينة هذه الصورة]
الحب في ذات نفسه
شعور
دافي رائع جميل , بتحس جواه بمشاعر كتيرة , دفيان وسقعان في نفس الوقت ,
بس سقعة حلوة لذيذة , اللي تخلي جسمك يقشعر , اللي تخليك مبسوط و بتتنطط
في كل مكان حواليك .
المشاعر اللي تخليك في عز ما انت زعلان , تبتسم
وتضحك , وتخليك تبص لكل المواقف اللي حواليك و تضحك منها و تبقى مبسوط
منها حتى لو كانت مواقف سودة وزي الزفت .
[ندعوك للتسجيل في المنتدى أو التعريف بنفسك لمعاينة هذه الصورة]الواحد
لما بيحب , بيبقى عليه إطار و غشاء من الروعة و الجمال و البهاء , تلاقيه
ماشي بيلمع في كل حتة , لدرجة انه ممكن يوصل انه ينور و هو ماشي , يوزع
نور وسعادة حواليه و هو بيتحرك .
[ندعوك للتسجيل في المنتدى أو التعريف بنفسك لمعاينة هذه الصورة]ما
هو خلاص دا شخص شعر بالحب واحس بيه , واحيط به , مفيش حاجة هتوصله , بقا
عارف سكته ومصيره وهو ناوي يعمل ايه , محدش قده , ربنا يسعده ويهنيه كمان
وكمان .
[ندعوك للتسجيل في المنتدى أو التعريف بنفسك لمعاينة هذه الصورة]
آآآآآه
ربنا يوفقنا جميعا و يهدينا لكل حاجة فيها الخير و الهنا و السعادة ويوفقنا لآخرتنا ولكل حاجة تساعدنا فيها
يااااااااارب
[ندعوك للتسجيل في المنتدى أو التعريف بنفسك لمعاينة هذه الصورة]
لقيت لكم قصة انجليزي حلوة
هي كانت مترجمة , بس انا عربتها بأسلوبي
بتتكلم عن سببية الحب
[ندعوك للتسجيل في المنتدى أو التعريف بنفسك لمعاينة هذه الصورة]
اسباب الحب (معرب بتصرف كتييير)
المرأة : عاوزة اعرف انت ليه بتحبني ؟ ايه اللي خلاك تحبني ؟
الرجل : مقدرش اقولك سبب معين . . . بس انا فعلاً بحبك .
المرأة : انت متقدرش حتى تقولي السبب !! امال ليه بتقول انك بتحبني وانت مش عارف السبب ؟
الرجل : بجد صدقيني . . . انا مش عارف سبب غير إني بحبك موووت .
المرأة : لأ مليش دعوا . . . لازم اعرف السبب . . . جوز صاحبتي دايماً بيقولها هو بيحبها ليه . . . ولا انت متعرفش ؟
الرجل
: خلاص خلاص .. انا بحبك لأنك حلوة جدا - صوتك رائع - ولأنك مهتمة بيا
وبتحبيني - ولأنك دايما مليانة أمل وتفاؤل - ولأن ضحتك دي اجمل ضحكة في
العالم - وبعشق كل حركة بتعمليها و كل خطوة بتمشيها
لسوء الحظ .. بعد بضعة ايام حصل للمرأة حادث بليغ واصيبت فيه اصابات بالغه
عندما اتى زوجها لزيارتها .. وضع بجانبها رسالة قصيره كتب فيها
[ندعوك للتسجيل في المنتدى أو التعريف بنفسك لمعاينة هذه الصورة]
زوجتي العزيزة :
لروعة صوتك احببتك ..ولكن الآن هل تستطيعين الكلام؟
كلا
اذن . . . أنا لا استطيع ان احبك .
ولإهتمامك بيا و حبك ليا .. احببتك ، ولكن هل تستطيعين اظهار هذه المشاعر الآن ؟
كلا
اذن . . . فأنا لا استطيع ان احبك .
ولضحكتك الرائعة .. احببتكِ .. و لكل حركة تتحركينها كنت احبكِ
ولكن .. الآن
هل تستطيعين الضحك ؟ ؟ ؟ هل تقدرين على الحركة ؟
كلا
لهذا السبب فانا لا استطيع ان احبك .
زوجتى العزيزة ।
[ندعوك للتسجيل في المنتدى أو التعريف بنفسك لمعاينة هذه الصورة]لوكان الحب يتطلب أسباباً . . . فأنت الآن لا تملكي أي سبب لكي أحبك من أجله
إذن ..فهل يحتاج الحب أسباباً ؟؟..أبداً
فأنا لا أزال احبك . . . وسأظل أحبكِ ماحييت . . . زوجتي الحبيبة
[ندعوك للتسجيل في المنتدى أو التعريف بنفسك لمعاينة هذه الصورة]
من العذاب ... إن تكتب لمن لا يقرا لك
وان تنتظر من لا يأتي لك
و ان تحب من لا يشعر بك
وان تحتاج من لا يحتاج لك
من المؤلم ... إن تحب بصدق
وتخلص بصدق .. وتغفر بصدق
ثم تصدم في النهاية بموت
كل الصدق الذي قدمته
"ثم تكتشف إن أجمل العمر كان سراباً"
فانهض وكسر قيد الهوى وعش عزيزا | |
|
Admin
Admin
عدد المساهمات : 1262
| | موضوع: رد: الاحتواء واسباب الحب الإثنين 27 يوليو - 7:12 | |
|
من العذاب ... إن تكتب لمن لا يقرا لك
وان تنتظر من لا يأتي لك
و ان تحب من لا يشعر بك
وان تحتاج من لا يحتاج لك
من المؤلم ... إن تحب بصدق
وتخلص بصدق .. وتغفر بصدق
ثم تصدم في النهاية بموت
كل الصدق الذي قدمته
"ثم تكتشف إن أجمل العمر كان سراباً"
فانهض وكسر قيد الهوى وعش عزيزا
فعلا عندك حق ولا تعليق بعد هذا الكلااااااام
| |
|
