مستحيل ارجع احبك

مستحيل انسى اللى فات واشتاق هواك
مستحيل تبقى الحياة بس فى رضاك
كل شئ فى الدنيا اصبح مستحيل
مستحيل ارجع لحبك مستحيل
حبنا مش بس كلمة قالها قلبك يوم وراح
حبنا كان نسمة حلوة تشفى كل الجراح
حبنا كان ضلة فيها عشنا باليل والصباح
نرتوى من نبع صافى نبع مليان بالحنان
نلتقى مع حضن دافئ ننسى اهات الزمان
كنت دايما جوا قلبى معنى للنجم البعيد
كنت دايما جوا عينى صورة للفجر الجديد
كنت باسهر جنب منك لجل صورتك تبقى اخر
شئ فى عينى
كنت باسكت واستمعلك لجل صوتك يملى
اشواقى وحنينى
والنهاردة..النهاردة كل شئ بانلى بحقيقته
انكشفلى كل حاجة لما قلبك بان حقيقته
قلب قاسى قلب كله خداع وغش
يا حبيبى يلى كان اسمك حبيبى
مش حقولك مرة تانية يا حبيبى
[ندعوك للتسجيل في المنتدى أو التعريف بنفسك لمعاينة هذه الصورة]مستحيل ارجع لحبك مستحيل [ندعوك للتسجيل في المنتدى أو التعريف بنفسك لمعاينة هذه الصورة]