شوفوا الزوج الرومنسي ( قصه بالصور )

قصه
اعجبتني وحبيتكم تشاركوني فيها




[ندعوك للتسجيل في المنتدى أو التعريف بنفسك لمعاينة هذه الصورة]





قبل شهر تقريبا وانا قاعد في البيت (عقب المغرب ) أقلب في
هالريموت
من محطه


لمحطه ومن قناة لقناة ...وكانت المدام على يميني تبتسم
وتناظر
فيني وودها تقول شي


( أعرفها ان بغت حاجه تشوف لوزها من
الأبتسامه
)وأن كان
مالها حاجه نصير


زي كذا [ندعوك للتسجيل في المنتدى أو التعريف بنفسك لمعاينة هذه الصورة]




المهم بادرتني بسؤال خطافي
(ماتوقعته
) قالت : حبيبي كم
لنا متزوجين ؟؟ قلت هاه!!


الصراحه أنا انلخمت وبديت
أحسب
بأصابعي ... يوم شفتها كشرت
... قلت لحظه


بجيبها (عقدتي
الحساب) وفعلا
عطيتها الأجابه الصحيحه ,قلت
:- بعد اسبوعين


ياعمري نكمل 5
سنين معرسين..
يوم طقت الأبتسامه مره ثانيه
وقالت :- طيب !!


وش يعني لك
هذا ؟؟ بيني وبينكم
انا ما عرفت وش تقصد بس
توقعت انها تبي


هديه (
ماذبحنا الا نصب
الأفلام العربي ...كل سنه وانتي
طيبه ياروحي ) قلت
لها :-


وش قصدك تبين هديه يعني ؟؟
قالت لا لا فهمتني غلط !!
انا
ابغاك انت


قلت يا حبي لتس والله آمري !!


قالت وش رايك نروح دبي أسبوع
عسل
.. ونحتفل انا وياك بمرور
خمسه سنوات


يعني اليوبيل الذهبي لزواجنا
!!




قلت
لحظه :- من قالك ان 5 سنوات يعني يوبيل !!



اليوبيل من 25
سنه وفوق !!
قالت لا اني سامعه فوزيه الدريع
تقول ان 5 سنين


خليها يوبيل
ذهبي !! قلت طيب
... بس ترى العطله توها باديه
وصعب القى حجز


لدبي هالأيام
... قالت لا مالك
هم أنا حاجزه بالتلفون قبل
شهرين !!! ومخليتها لك


مفاجأه... بس
ترى آخر موعد لقص
التذاكر بكره الظهر يعني
أطمر الحين لأقرب


مكتب وقص
التذاكر !!! ( بصراحه
حسيت في هاللحظه ان الحريم
دواهي ) .


طبعا
انا أسقط في يدي وما قدرت أفرك ( بس تبون
الصدق فرحت
لأني انا ودي
بعد اسافر )


صراحه طفشت من الرياض وزحماته هذا أولا
وثانيا
من زمان ما
سافرنا انا وهالحبيبه..


قلت
لها ابشري بس وين ودك نسكن في دبي ؟؟ ناخذ
شقه ولا
فندق ؟؟


قالت لا معليش
ياعمري نبي فندق يكون له اطلاله مباشره على

البحر وشاطيء خاص ..


وياليت لو
يكون شاليه أحلى وأحلى !!



[ندعوك للتسجيل في المنتدى أو التعريف بنفسك لمعاينة هذه الصورة]



والله
وأطمر لمكتب السفريات
وفعلا قصيت التذاكر وحجزت مدة
أسبوع في منتجع


وسبا هبتور
قراند دبي ( الليله
ب 1100 ريال) يعني 7700
ريال إقامه فقط ..



[ندعوك للتسجيل في المنتدى أو التعريف بنفسك لمعاينة هذه الصورة]



وقررت
اني أقضي أسبوع زواج
رومانسي جدا في دبي .. وأيضا
قررنا انا وزوجتي


اننا ما
نستخدم جوالاتنا وناخذ
شريحتين من دبي ..عشان ماحد
يتصل علينا


ويزعجنا !!
وفعلا نفذنا كلامنا
.......وبرعاية الله طرنا
لدبي لقضاء هالكم يوم
بدون


ما يشغلنا أحد !! ووصلنا دبي
وعلى طول استأجرت سياره
من
المطار وعلى الفندق


الي يقع فعلا على البحر مباشره
وقريب
من برج العرب على
شاطيء الجميره وكان


الصراحه الفندق (( يشجع على
الرومانسيه
)) ويوم دخلنا
الغرفه لقيناها


خيااال (غرفه غراند ديلوحسن )
والحمام
بس لحاله قصه...
والغرفه كبيره مره وحاطين



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



كمبيوتر
مفتوح انترنت 24ساعه
وجهاز تصليح كوفي وشاي مع
اغراضهم مجاني ..


وفرش صح
وديكورات صح ...
الصراحه انه يستاهل هالسعر ... بس
عيبه ان اسعار


المأكولات و
(المشروبات )
غاليه شوي !!



المهم انا نويت اسوي مفاجأه
إحتفاليه غريبه للمعزبه وأعمل

حركه رومانسيه ماتتخيلها ..


[ندعوك للتسجيل في المنتدى أو التعريف بنفسك لمعاينة هذه الصورة]


فقلت لها بعد
ما استقرينا بالغرفه ..أنا بنزل لأقرب
سوبرماركت
عشان أجيب أغراض


وأعبي ثلاجة
الغرفه ( عصيرات -زيتون أخضر - جبن أبيض -
عسل-
خبزتوست -خيار -
جزر -


بسكوت مالح قليل الدسم -حق الشاهي - محسنرات ...الختعرفون
هالخفايف
حلو تكون


بالغرفه أوفر سعر من برى وفي نفس القت حق النقنقه والتسلي



المهم نزلت من
الغرفه وعلى
الرسبشن على طول وسألت عن
المدير..ودلوني عليه...


رحت لمكتبه
خلف الرسبشن لقيته
رجال شمحوط جنسيته لبناني
يسوى ديره ( ولا يهون


من يقرأ
)...سلمت عليه بحفاوه
وعرفته بنفسي



وقلت له انا بصراحه جاي أقضي
كم يوم هنا وبكره يصادف ذكرى

زواجي وودي اسوي


مفاجأه للمدام (
يعني بارتي صغير انا وهي بس) وما ودي
اتكلف
كثير وش رايك !!


ودي انك
تساعدني ؟ انا عندي فكره براسي بس لازم توافق
عليها
!!


الصراحه

الرجال فرح كنه هو الي بيسوي الحفل ...قال تكرم
عينك ...شو هي الفكره؟


قلت انا قريت
ان الشاطيء يطفي
انواره الساعه 7 المساء ...
ويكون مفتوح طول


الليل للنزلاء
الي يبغون
يجلسون على الرمل او يتمشون ...صح
؟ قال ايه صح ..


قلت طيب فكرتي
الي ابيك
تساعدني على تنفيذها اننا نحط
طاوله دائريه مقابل
الشاطيء


على الرمل بفرش حلو وكرسيين
ونحط دار مدارها شموع بشكل
حلو
ومدخل للشموع



ونحط على الطاوله الكيكه
والعصير
....هاه وش رايك ؟؟




والله ابن الحلال انبسط وقال
مافيه مانع الطاوله
والفرش
والعصير من عندنا هديه


بس
انتا جيب الشموع والكيكه .... قلت أبشر ساعه
وكلها عندك
...



وفعلا
بدأت بتنفيذ الخطه ورحت لمحل حلويات دلوني عليه
بشارع
الجميره وسوو
لي


كيكة روووعه ومكتوب عليه المناسبه وشريت شموع من سوق
جنبهم
ورجعت


للفندق وعطيتهم الأغراض وعلى الغرفه .....ومعي باقي
الأغراض
الي شريتهم للثلاجه


وكاني ما سويت شي !! أستعدادا للمفاجأه
الرومانسيه يوم غد

الساعه 12 مساءا



وبالنسبه للي مستغربين من
أحداث الرحله تراي ما قلت اني
استأجرت
بوينغ ورحت هنلولو!



ولا قلت
أني شريت ديناصور محنط !!, ولا اني استأجرت سويت
ملكي
في برج العرب



ب 9000
درهم في الليله عشان تصير قصتي خياال ولا حلم
...ترى
االرحله
بالضبط


يوم حسبتها بتذاكر الرحله وإقامه مدة 7 ليالي في قراند
هبتور
+ ليله قارب خاص +


مصاريف الأكل والشرب والسياره وهديه محترمه للمدام في
ليلة
الأحتفال (يعني بالعربي


عشنا الف ليله وليله ) كل
هالمصاريف والله ما
تعدت 15الف
ريال !!! أنا متأكد ان فيه


من
شبابنا ناس يروحون دبي بنفس المده ويصرفون
أكثر منها
على بنات ليل
وسربته


ويجي لديرته ضايق صدره ومكتأب من تأنيب
الضمير
وصرف دراهم
في غير طريقها !!


نكمل الموضوع


رجعت للفندق
في اول ليله ومعي بعض الأغراض اللي شريتها
وقمت
ارتب الثلاجه وأطلع


الأغراض اللي
مالها سنع !!


كانت الساعه عندما قررنا
الخروج من الغرفه تقريبا 9
مساءا
يعني تونا بدري ويمدينا


على اننا نلحق على كل شيء ذيك
الليله
, فسألتها هاه وين
ودك نروح الحين , قالت والله


كيفك بس وش رايك
نروح للمارينا
لأنها قريبه مقابله فندقنا
وفيها قعدات ومطاعم
تمدحها

[ندعوك للتسجيل في المنتدى أو التعريف بنفسك لمعاينة هذه الصورة]


رفيقتي ...قلت اوكي بس اتفقنا
اننا نخليها
وحنا راجعين
لأنه ما تغلقالى متأخر... ورحنا


ذاك اليوم لسوق فخم وحلو (على

الطراز الأيطالي ) اسمه
مركاتو سنتر...وطبعا تمشينا


فيه وتعشينا
بمطعم فوق بالدور
الثاني وبعد ما خلصنا مرينا
الهايبر ماركت الي
فيه وخذنا


بعض المحسنرات والشوكالاتات
(انا بصراحه تستهويني
الشوكلاتات
وخصوصا الغريبه)



وطبعا رجعنا على طريق الساحل
قاصدين نتقهوى
بقعدات
المارينا (مرسى اليخوت بدبي)


[ندعوك للتسجيل في المنتدى أو التعريف بنفسك لمعاينة هذه الصورة]


وللي ماراح
للمارينا هي عباره
عن مبنى جميل على شكل سفينه
وبه عدد من المقاهي


والمطاعم
العالميه وجلساته
داخليه (تكييف) وخارجيه (في
الهواء الطلق) مقابل
بحيرة


المرسى وفيه مقهى مره رهيب
...خصوصا اذا شغلوا
الرشاشات
حقت


المويه رذاذها يخليني أعيش الخياال
... وبصراحه
انا كنت
عاقد العزم على اني أدلع المدام والجو


شجعني اني
أطلع مواهبي
...مافيه كلمه غزل سمعتها في فيلم
عربي او هندي الا
قلتها ذاك اليوم



لدرجه اني خفت اني ما ألقى شي
أقوله لليوم
المحدد (يوم
المفاجأه) بس فعلا كانت ليله حلوه



وبدايه مشجعه
لي أني اعيش
فعلا اسبوع عسل مميز..



( نسيت أقول شيء مهم ) وهو
أني أملك مشروع تجاري وطوال 4
سنوات
ماضيه كنت مشغول جدا


,أطلع من
البيت الصباح بدري وما أرجع الا بالليل متأخر
وأجي
تافل العافيه
يعني مافيه وقت للدلع


والرومانسيه وكانت هي بصراحه صابره
ومقدره ظروفي
السابقه
ويوم زالت هذه الظروف وزانت


الأمور
قررت اني اعوضها وأصير فعلا رومانسي زي
ما تحب كل
زوجه ان يصير
زوجها ..


[ندعوك للتسجيل في المنتدى أو التعريف بنفسك لمعاينة هذه الصورة]


وكنت انا ناوي ارتب رحله آخر الصيف واخليها
مفاجأه..بس
يوم
شفتها متحمسه لدبي (وكان وقتها


الجو
حلو أول اسبوع من ألاجازه )بصراحه ماحبيت
أحسنر
بخاطرها ...


المهم جلسنا
هذيك الليله الين الساعه وحده ونص تقريبا
بعدها
رجعنا للفندق ,
وطبعاانا ما قلت


لها شيء ولا لمحت لها بشيء عن حفلة
بكره بس انها
سألتني
وين تبي نروح بكره قلت لها خلي


البرنامج حق
بكره علي يعني دعي
القياده لي وتمتعي انتي
بالرحله ...قالت اوكي
على كيفك..

[ندعوك للتسجيل في المنتدى أو التعريف بنفسك لمعاينة هذه الصورة]


نمنا هذيك الليله وقمنا
الساعه 12 الظهر
وطبعا احنا جايبين
معانا فطاير وكيكات وحركات ...


وصخان المويه
والكافي ميكر
موجود بالغرفه,المهم زبطنا
بالغرفه فطورمحترم وقعدنا
نتقهوى


ونتفرج على التلفزيون ( على
فكره حجزنا شامل بوفيه
مفتوح
للفطور بس حنا يالسعوديين


ما ينفع لنا , لأننا ننوم
متأخرين
ونقوم متأخرين)



المهم يوم افطرنا ( فطور غداء في نفس الوقت )
فتحت النت
للمدام
عشان تدخل على موقع


سياحي تقول بجمع لك معلومات
عن الجديد في دبي... وأنا
لبست
الشورت حقي ونزلت


للمسبح الساعه
وحده الظهر وقلت لها اذا خلصتي انزلي
للمسبح
تفرجي ووسعي صدرك...

[ندعوك للتسجيل في المنتدى أو التعريف بنفسك لمعاينة هذه الصورة]


واتفقنا اننا
نطلع من الفندق اذا برد الجو شوي يعني اربع
...المهم
انا نزلت وعلى
طول


على المسبح الرائع حق الفندق وطبيت
(محيفره))<<<شهادة
اثبات اني سعودي !!



المهم كان بوسط المسبح في المويه قعدات زي
البار ويخدمون
فيه
من الخارج...بس انت


تكون جوا المويه ...المهم
قعدت حوالي ساعتين والا هذيك
الي
قاعده قبالي على طاوله من


الطاولات
الي جنب المسبح لابسه نقاب وشكلها
تبتسم !! بيني
بينكم انا ما
عرفت انها حرمتي


الى من نعالها ( شبشب أصفر,حق
بحر !!!) للعلم زوجتي
من
بيئه قرويه مره وعايشه يتيمه


الأب ..متوفي ابوها وهي عمرها
سنه
ونص ...يعني لها رحمه ..
الصراحه انا رحمتها ورحمت


كل السعوديات
والخليجيات..ودهم
يستمتعون بالبحر بس المشكله
الأجواء غير مهيئه
(سلموالي


على الريتز كالرتون حق البحرين
..حاطين مسبح خاص
للحريم
)!! المهم انا عقبها قلت والله


لأخليها تستمتع بالبحر وتطافش

فيه الين تمل ..والا مانيب
ولد ابوي ..


طلعت من المسبح
وقعدت انا وياها على الطاوله
وطلبنا شيبس(
بطاطس مقلي ) لأني شفته


مع
بزر سعودي جنبنا وخفت اني أنظله !!!



يوم خلصنا متقهوين رحنا
غرفتنا
نغير عشان نطلع نكمل
تمشيتنا في دبي... وفي الطريق


للغرفه بغى
موظف الرسبشن يخرب
المفاجاه لأنه ناداني وانا
طالع عشان يعلمن
الترتيبات


حقت الليله (طبعا انا فهمت وش
يبي مني قبل اروح له
عشان
كذا قلت للمدام اسبقيني للغرفه



غيري الين اجي ) وفعلا تمت
الترتيبات
النهائيه للحفل الي
حددته انا الساعه 12 مساءا


وقال لي الرسبشن ان
هذا الشخص
(هندي) اسمه محمد سليم هو
المسؤل عن ترتيباتك


طبعا انا عاى
طول مسكت محمد
سليم وعطيته 50 درهم اكراميه
وحرصته ...وكان فعلا


ذا الهندي
رهيب مره وجاب هو
زود 6 شموع أم عصى وحطهم على
مدخل الطاوله ,
ووصيته


انهم يحطون اغراضهم ويروحون (
كنت ابغى اصير انا وياها

لحالنا على الشاطيء في الليل)..


وفعلا سوو نفس الي كنا متفقين
عليه
رتبوا الطاوله وولعوا
الشموع قبل الساعه 12 بعشر


دقايق ومشو .....


ارجع للموضوع


المهم طلعنا
نتمشى ورحنا يم
السوق الصيني (دراقون) الي على
طريق العين ..وكنا
نبغى


نشتري من السوق الصيني كرسي
مساج بس لقيناها هناك
غاليه
وقعدنا نتمشى في السوق


وما طلعنا منه الى الساعه 9
وعلى
طول على مطعم صدف
الأيراني الي بشارع الشيخ زايد


وكنا بصراحه ميتين
من الجوع
ودبغنا في هالبوفيه المفتوح
الين دخنا ... وعقبها قالت لي



خلنا نروح نتقهوى بالمارينا
... قلت لا انا عازمك على
بيالتين
شاهي في مطعم الفندق !!


كنها ما ودها !! بس قالت على
كيفك انت
اليوم مدير البرنامج
..ومريت في الطريق على محل


في المركاتوا حق
مجوهرات وقلت
لها انا بنزل 5 دقايق خليك
في السياره وتعذرت اني ابي


الصيدليه عشان
آخذ بندول بس
رحت للمحل وخذت منه خاتم ب
1800 ريال مع انه يمكن


لا عب علي بس
المدام يوم
عطيتها اياه تقول انه روعه ومايقل
سعره عن 3000!!!!



وصلنا
الفندق الساعه 11وطلبت
منها انا تلبس فستانها الي هي
جايبته ( انا
شايفها وهي


ترتب اغراضها في الرياض وجايبه
معها فستان سهره -
مصدقه
الحرمه انه عرس !! )


وطلبت منها تكشخ كنها رايحه
لعرس
... وقلت لها بجيك بالزبط
قبل الساعه 12 بخمس


دقايق وانتي جاهزه
... قالت
اوكي ... وطلعت انا عشان اشوف
الترتيبات ولقيت محمد


سليم يدهر (
نفعت الخمسين )
وفعلا حطو الطاوله قبال البحر
على الرمل في مكان
مظلم


بس منظر الفندق خلفنا وانواره
رائعه والبحر شكله كان
مره
روووعه ... والي يزينها


ان الفندق يمنع السباحه في
الليل
( يعني الشاطيء كان لي
انا ولزوجتي لحالنا ) !!


المهم زبطنا
الطاوله وولعنا
الشموع دار مدار الطاوله من
الخارج (على الرمل)
وكان


الهندي جايب معه شموع بأعواد
غرسها على الرمل - زي
مدخل
للطاوله - وجابو


العصير وشوية ورد حطوه بالنص
وجابوالكيكه
ورتبنا الجلسه
صح...


وعند الوقت المناسب طلعت فوق
اجيب العروس ( عروس
بعد خمس
سنوات زواج)


وفعلا نزلنا انا وياها ومرينا
من جنب الرسبشن وكان الموظف
(
من لقافته يناظرنا)


وده يشوف
الموقف ...وطلعنا انا وياها من الباب الخلفي
...متجهين

للبحر...نمشي



بخطوات بطيئه والله اني كنت احس انها زفه... بس هي الى
الحين
ماتدري وش


السالفه !!



ويوم قربنا للبحر ...قالت لي
وين بتروح ؟؟ من هنا مافيه
مطعم
!! قلت تقدمي شوي


ورى هالشجر
بأتجاه الرمل الي يودي للشاطيء...



وفعلا وصلنا للمكان


وشافت الطاوله
والشموع


وشافت المنظر ...والتفتت علي
قالت هذي لنا !!!!!




قلت هذي
لك انتي ...




لك أنتي يابعد كل الناس ...


والله ياجماعة
الخير الحرمه ما
تمالكت نفسها ...



وقعدت تصيح !!!


انا الصراحه
كنت احسبها دقيقه كذا ودموع فرح وخلاص ...بس
ماش
الحرمه


قامت

تشاهق من الصياح...


أضمضم فيها واسكتها ......ماش !!



يابنت الحلال ...وش
فيك !!!
خلاص اسكتي !!



الحرمه تزفر وتشهق من الصياح
...لدرجة ان الكحل والمكياج
والروج
وكل مستحضرات


التجميل ساحت
على كتفي ووصخت ثوبي ...هذا غير الي يطلع من
الخشم
من الشهاق!!


قعدنا حوالي
ربع ساعه وحنا على هالحال ... وطلعت هديتي
وعطيتها
...ثم عودت تصيح


مره ثانيه !!


المهم تسكت
شوي وتقعد تناظرني ثم تعود تصيح !!!



قلت يابنت الحلال وش السالفه
!!



قالت
قسم
بالله اني ما عمري فرحت ولا حسيت بقيمتي مثل
اليوم !!!


تخيلوا !!



هالكلمه
للرجال المتزوجين


(ترى مثل هالحركات وان كانت
غير مكلفه بس عند الحرمه
أغلى
من عقد الماس بخمسين الف)



المهم الحرمه ذاك اليوم كانت
في
قمة السعاده ومو مصدقه
نفسها وكل شوي تلتفت علي وتشوف


آثار صياحها
على ثوبي ونقعد
نضحك !!!




وساكمل القصه بكرا ان شالله او
الليله


(ترقبوا الجز الثاني )



هذا ولكم تحياتي ,,,,,,