استعيدي زوجك واطبخيه على نار هادئه

[ندعوك للتسجيل في المنتدى أو التعريف بنفسك لمعاينة هذه الصورة]
استعيدي زوجك واطبخيه على نار هادئه
كل وحده تزوجت صار عندها يهال وانشغلت عن زوجها

ولا اللي عدت 5 سنين
تقول خلاص تعود علي وتعودت عليه

اختي لاتقولين لي حتى 20 سنه تعود عليج

الريال يبي على
طووووووووووووووول نيو لوك
ويبي على طووووووووول تكسرين الروتين

عشان لايمل معاج




إستعيدى
جاذبيتك واطبخيه على نار هادئة

بنتكلم بموضوعنا من 8 نواحي يمكن انج
هاملتهم .. يمكن انج تطبقين منهم
بس انا ابيج تطبقينهم كلهم عشان يتحقق ما نتمناه
1-نضمي وقتج
2-تقربي من الله
3-عنايتج الشخصية
4-تغيير الستايل
5-الانجذاب العاطفي
6-الإغراء ولغة الجسد
7-لغه الرجال
8- الانجذاب الجنسي



يــــتـــــبـــــع
....
استعيني
باجنده .. كتبي فيها اعمالج الشهريه


تنظيم الوقت يخليج تركزين بالاعمال الي
بتسوينها
يخليج
مرتاحه ويبعد عنج التراكمات
مثال للزوجه: قرايه صفحتين من القرآن الكريم يومياا
يوم بالاسبوع حمام الهنا( صنفره
وماسكات )
3
ايام بالاسبوع رياضة
يوم طلعه رفيجات أو اهل ... الــــــــخ



ثانيا: تقربي من الله
سبحانه:

[ندعوك للتسجيل في المنتدى أو التعريف بنفسك لمعاينة هذه الصورة]

بقولج بالبدايه في كل شي
تسوينه بحياتج مع زوجج إحتسبي فيه الاجر وخلي نيتج لله
وتوكلي على الله
وخلي عندج يقين بالله مو في زوجج
واتبعي هالنقاط قبل لا تطبقين اي شي
عشان الله يوفقج وايسر أمورج
-إذكار الصباح والمساء
-الاستغفار كثر ما تقدرين باليوم بالسياره
بالبيت بالدوام دايم قولي
أسغفر الله الذي لا إله إلا هو الحي القيوم واتوب إليه
-لا تهجرين القرآن .. ولو صفحتين كل
يوم إذا أنت مو متعودة على قرايته شوي شوي لين يصير جزء اساسي من حياتج
-وقت الزعل سجدي لله وقري سوره
يــــس واشتكي لله وحده ولا تشكين لغيره صدقيني بتحسين بسكينه وراحه نفسية
-وقت الفرح تعلمي تسجدين لله سجده
شكر عشان رب العالمين يزيدج من خيره
صدقيني راح تكتسبين من السجود طاقه سبحان الله
تريحج وتييبلج الطمأنينه
-الدعـــاء الدعـــاء الدعـــاء .. اختاري أوقات استجابه
الدعاء وأكثر وقت تحسين فيه بخلوه هو قبل صلاه الفير لو بعشر دقايق
كل هذا مثل ما قلتج مع اليقين بأن
الله يستجيب دعاء عبده عاجل أم آجل

[ندعوك للتسجيل في المنتدى أو التعريف بنفسك لمعاينة هذه الصورة]

ثالثا:عنايتج
الشخصية

تعلمي
معاي شلون تسعدين تفسج بالاساس .. أي شي تسوينه لزوجج لازم تعرفين انج
مسويته لنفسج ولا تقولين ما يهمه لا تقولين مو داري عني .. انتي بعد
ولاااااا يهمج !!!!
خلي همج نفسج انشغلى بالرغبه بالتغيير واستمتعي باي شي تسوينه وهالشي هو
طريقج لتغيير نفسج .. لأنج بهالحاله بتعززين ثقتج بنفسج
ولا يهمج كلام غيرج
دامج على صواب .. وما سويتي شي تستحين منه
خليج انثي مميزه بهري زوجج وكل من حولج ..
بــ جمالج
اناتقتج
انوثتج
حققي جاذبيتج وهي بدايه الخيط للنجاح وتحقيق ما تتمنين

العناية بالشـــــــعر

[ندعوك للتسجيل في المنتدى أو التعريف بنفسك لمعاينة هذه الصورة]

نسيتي الاستشوار !!
رابطه شعرج كبه من تسبحتي لين باجر السبحه الثانيه
نسيتي الحمام زيت والكريمات والفير !!
شعرج نص جمالج .. اعتني فيه وخليه يصير نفس دعات الشامبوهات اللي تشوفينهم
بالتلفزيون
حافظي على طراوته ونعومته وترتيبه وخليه لامع مقبول المنظر

يعني هالله هالله بالعناية بالشعر لان الرجل بصري يركز على الموجود جدامه

زيدي على هالفتنه لمسات من عالمج الجمالي تدلعي جدامه بشعرج تعمدي اغراءه
لعبي بشعرج حركيه نزلي خصلات على خدودج وعلى ويهج نثريه بحضنه وخليه يمسح
عليه
وطبعاااا هالشي ما راح يتحقق الا بالعنايه مثل ما قلنا

يا الله ابتدي من اليوم
[ندعوك للتسجيل في المنتدى أو التعريف بنفسك لمعاينة هذه الصورة]
- ماسكات
- زيوت طبيعية ( زيت الصبار - زيت الأفوكادو - زيت الخروع - زيت الزيتون )
- شامبو وبلسم مناسب لنوعيه شعرج
- ولا تنسين مع أي علاج تستخدمينه لشعرج ......

[ندعوك للتسجيل في المنتدى أو التعريف بنفسك لمعاينة هذه الصورة]

تسوين مســــــــاج لفروه الراس قبل وبعد .. عشان تلقين فايده من هالعلاج
اللي تستخدمينه سواء ان كان زيت أو ماسك .. وعطي روحج الوقت دلكي برقه
وبحركه بطيئه لين تحسين ان الزيت نغلغل لداخل الفروه بعدها غطي الشعر بقبعه
بلاستك وخلي شعرج يستفيد لمده ثلث ساعه على الاقل
وهذي بعض خلطات الزيوت:
زيت جوز الهند مع لب ثمره الصبار
زيت السمسم مع العسل والبيض
زيت الخروع مع المايونيز وصفار البيض
وبعد ما ينتهي الوقت دللي روحج بالشامبو وحطيه بايدج بطريقه ناااااعمه
فركيه وحطي لكل طرف شوي ولا تدقينه على راسج عشان مستعيله وآخرتها انتي
الخسرانه
- قصي اطراف شعرج بالشهر مره عشان تزيد حيويته وكثافته
- استخدمي مشط مصنوع من الخشب عشان تتفادين التقصف
بعدها بتلقين شعرج من اروع ما يكون صبغيه أو حنيه مثل ما تبين وخليه
يقـــــــــــول


لما النسيم بعدي
بيك شعرك حبيبتي بسمعو بيؤووووول آآآآآآهااااااات [ندعوك للتسجيل في المنتدى أو التعريف بنفسك لمعاينة هذه الصورة]


يتبع
[ندعوك للتسجيل في المنتدى أو التعريف بنفسك لمعاينة هذه الصورة]
العناية
بالبشره

الوجه

[ندعوك للتسجيل في المنتدى أو التعريف بنفسك لمعاينة هذه الصورة]

حددي نوع بشرتج وابدي
بالاهتمام فيها
جافه دهنيه مختلطه استخدمي المنتجات الخاصه فيها
غسول كريمات ماسك تقشير ولا تبخلين
على نفسج بالغالي دامج تقدرين


[ندعوك للتسجيل في المنتدى أو التعريف بنفسك لمعاينة هذه الصورة]

جربي جلسات النضارة وشد البشره
بمراكز التجميل
وبالبيت بعد اهتمي بعمل الماسكات الطبيعيه للبشره
قناع العسل وزيت الزيتون يقضي على
الشوائب ويخلي بشرتج كلها نضارة وحيويه


الجسم

[ندعوك للتسجيل في المنتدى أو التعريف بنفسك لمعاينة هذه الصورة]

اهتمي بالاسترخــــــــــــــــــــــاء
اهي ساعه وحدة
من الــ 168 ساعه (ساعه بالاسبوع ) حدديها لجسمج
سويلج حمام
مغربي وصنفره وغسلي بأروع الشاورات

[ندعوك للتسجيل في المنتدى أو التعريف بنفسك لمعاينة هذه الصورة]

وتهني بعدها بحـــــــــمام الورد
الاسترخاء يساعد على
إزاله التوتر من الجسم ويخفف عنج ضغوط اليوم ويعطيج حيويه


وبعدها رطبي الجسم بأحلا ما عندج من كريمات وعطريه بأروع السبريهات
دااايمااا وابداااا استخدمي الكريمات ذات النكهاااات الطبييعيه خليه
يشمشم فيج ويقرب منج ويدمن على ريحتج

[ندعوك للتسجيل في المنتدى أو التعريف بنفسك لمعاينة هذه الصورة]

خصصيلج يوم بالشهر للمساج
اما انج تروحين الـــ spa أو
انج تييبينه لي عندج
جهزيلج غرفه وحطي الزيوت المعطره والشموع
واستقبلي اللي بتسويلج الجلسه بشاي اخضر وابتسامه عشان تعطيج من قلبها[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

مارسي الرياضه مرتين اسبوعيااا سواء بنادي أو بالمنزل مع شريط
فيديو.. أو حتى المشي في الجو النقي
واهتمي بالاكل الصحي ..
بتحسين ان فيج نشاط وحيويه .. وبعد بتحسين انج اصغر من عمرج


يتبع
[ندعوك للتسجيل في المنتدى أو التعريف بنفسك لمعاينة هذه الصورة]

نعومة اليدين والاضافر
[ندعوك للتسجيل في المنتدى أو التعريف بنفسك لمعاينة هذه الصورة]

الطله المميزه يعني الاهتمام بكل تفاصيل الجمال .. زيدي سحر وجاذبيه واسري
زوجج بإيدج الناعمه واضافرج
بحركات ايدج العفويه بلاحظ النعومه وانت ولا كأنج تدرين .. وقت الاكل ..
وانت على الاب توب تجكجكين بهالاضافر .. سحبه الكلينكس بنعومه وخفه ..
قذلتج لا طاحت على عينج من النعومه طبعاااا [ندعوك للتسجيل في المنتدى أو التعريف بنفسك لمعاينة هذه الصورة]وانت ترفعينها بأطرااااااف الاصابع
لاحظي نظراته لج .. وبتلقين نفسج حريصه دايمااا على الاهتمام فيهم
رطبي ايدج واضافرج دايم .. واهتمي بصحتهم باتباع نظام تغذيه صحي غني
بالفيتامينات اللي تقوي الاضافر
مثل البيض والصويا والكبده والتفاح والحمضيات .. لان هذي الاصناف من الاكل
تساعد على لمعتهم ومرونتهم
دايما مسحي آثار صبغ الاضافر القديم ونقعيهم بعدها بخليط الليمون والحليب
لمده خمسه دقايق
دايم استخدمي المبرد الخشبي وابتعدي عن المبرد الحديد لانه يسبب التشقق
اختاري صبغ الاضافر الناعم والخفيف وابتعدي عن السميك لانه يتقشر بسهوله
حرصي على جلسات المنيكيور بشكل شهري في الصالون
اهتمي بنعومه ايدج والفوت وفركيهم بصنفره زيت الزيتون مع الشكر أو اي صنفره
تشترينها لهالغرض
ولا تنسين سر الفازلين



الاسنان والشفاه
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

عشان تكسبين ضحكه تبهر هالريل اهتمي بسلامه اسنانج ونضافتهم
زوري طيب الاسنان بشكل دوري
سوي جلسه تبييض اسنان وخلي بسمتج ناعمه وحاولي بالبسمه تطلع اسنانج السفليه
لان بهالحركه إغرااااااء
اهتمي بعمل مراهم طبيعيه للشفاه
زيت زيتون مع العسل يساعد على ازاله التشققات



[ندعوك للتسجيل في المنتدى أو التعريف بنفسك لمعاينة هذه الصورة]

العطر

[ندعوك للتسجيل في المنتدى أو التعريف بنفسك لمعاينة هذه الصورة]

وما تكتمل جاذبيتج وجمالج الا بعطرج سواء ان كان عطر ناعم أو قوي وجذاب ..
حسب الوقت والزمن بتختارين العطر
حطيه ورا اذنج وبسدرج وبرسغج .. وشوي بكف ايدج ومسحي فيه على خصل شعرج ..
ولا تكثرين عشان ما تطغي على ريحه جسمج .. احنا نبيها تندمج معاها وتعطي
عطر خاص فيج
اهتمي بالعطر وخليه من اساسياتج ..لان باي لحظه يمكن يتقرب منج زوجج واذا
قرب اول ما يبي .. يبي اللمه واللمه معاها الشمه .. يعني يحب لمن يلمج يشم
ريحتج ويشبع .. فالريحه الحلوه تجذبه وهم الريحه الزايده عن الحد بتنفره
عنج وبيصير مجرد عطر ممكن انه يشمه على أي وحده غيرج


تذكرين ايم الملجه؟؟ تذكرين ان ريلج كان يعلق على عطر معين حطيتيه ؟؟ أهو
عطر واحد بس لفت انتباهه وركز فيه
اشتري هالعطر مره ثانيه خليه لمناسبات خاصه بينج وبينه .. أو إذا سافر رشيه
على قطعه من هدومه .. او كنت بالانفاس حتى لو ضليتي في بيتج .. رشي فيه
مخدته وخليه يحن لج ولاحلى ايامكم .. هالشي بخليه دايم بشوقلج إذا ابتعد
عنج