قصيده جميله للشاعر عبدالحميد بدوى

الشاعر عبد الحميد يعني اية رئيس جمهورية

نفسي اسأل شوية اسئلة بس خايف يعملولي مشكلة
وانا علي قد حالي لا ليا دهر ولا ساكن في برج عالي
ولا عندي فيلا في مارينا ولا شالية في الساحل الشمالي
اهم حاجة عندي بلدي وعيالي
كل اما اجي اتكلم يقولولي خليك في جنب
هو انت اللي هاتغير الكون والا انت اللي ها تزيح السد
ودول ودول ولاد كلب
وانا باقولهم يا جماعة البلد دي مش بلد فرد
البلد دية شعب وناس وارض
ودنيا تانية اسمها الوطن
الاسم دة اتشال من القاموس
الاسم دة سبب الكابوس
يعني اية وطن ويعني اية بلد كل همها
انها تدوس علي الشعب المنحوس
وكل اما تيجي تتكلم وتكح جنب المعلم
يعملولك قضية وتبقي عميل امريكاني قد الدنيا
وتبقي بسلامتك جاسوس
ولسة عايزني اسأل أسئلة
وساعتها هابقي لوحدي ومش هاتبقي مرجلة
وما تعرفوش اذا كنت هاتعلق في سلسلة
والا هايقولوا دا كان وكان ودي كانت مرحلة
والله لسة واقفة في زوري الأسئلة
الله لو اروح فى ابونكلة لا سألها
وربنا ياخدني والا يباركلي مش مشكلة
نفسى اسال يعنى اية رئيس جمهورية
وهية فين الجمهورية
ولية السجاد الاحمر بينفرش منين ميروح
هو مشيةعلى الارض مش مسموح
وليةالكل قدامة بيبقى مطاطى فى الارض
وكانة عامل ذنب
امل فين الشجاعة ولا الشجاعة بس علينا ياولاد كلب
البلد دى بتاعت مين ولا كلنا بتوع فرد
يعنى اية ديمقرطية مش هية هية المحا كم العسكرية
بالظبط زى الكستر والمهلبية وانا اختصرت الكلام
يااللة حسن الختام وربنا يهون عليك وعليا
اصل انا لحد دلوقتى مش عارف الفرق بين الاستعمار والحرية

[ندعوك للتسجيل في المنتدى أو التعريف بنفسك لمعاينة هذه الصورة]

» تفسير ابن كثير (للشيخ عبد العظيم بن بدوى )
» قصيدة تأشيرة للشاعر هشام الجخ
» أجمل القصائد مسموعة للشاعر نزار قباني
» ابــحث عن أي شاعر .، او اي قصيده تريدهـا .،‘ من هنــا
» صور متحركه جميله جدا جدا