عمارة لكن لا يسكنها بشر ؟

تاريخ التسجيل: Apr 2010
البلد - المكان و السكن : هندى مقيم فى الصومال
السيرة : السنة الثالثة جامعة الشغب
هواية : دخول المنتدى هوة فيه غيرو ؟
وظيفة - عمل: يعنى قاعد قدام النت هكون بشتغل ايه طيار ؟؟؟؟!!!!
جنس : يعنى اسمى محمد هكون ايه ؟؟
جنسية : روح انتة بس وهمة هيقولولك
موقع : مدرسة المشاغبين
جوال موبايل : نوكيا n85
مشاركات : 1,922
العمر : 20

Rep Power: 7 [ندعوك للتسجيل في المنتدى أو التعريف بنفسك لمعاينة هذه الصورة]

الاوسمة :

[ندعوك للتسجيل في المنتدى أو التعريف بنفسك لمعاينة هذه الصورة] عمارة لكن لا يسكنها بشر ؟!

عمارة لكن لا يسكنها بشر ؟!

بسم الله الرحمن الرحيم

الموضوع التالى حقيقى و سمعت عنه الكثير و الكثير

ايضا هذه العمارة تقع فى مدينتى

عمارة رشدي ... ولا عمارة العفاريت

[ندعوك للتسجيل في المنتدى أو التعريف بنفسك لمعاينة هذه الصورة]

اكيد مدام انت اسكندري اكيد سمعت عن اشهر عمارة فى اسكندرية اللى سكانها مش من البشر العمارة الاشهر فى مصر بحالها مش فى اسكندرية بس لكن الغريب .. هلى فعلا الموضوع حقيقيي ولا هو ميتعداش اكتر من موهبة شعبنا فى الاختراع وترويج الاشاعات المهم انى كنت فى القاهرة من فترة وعندما تعرفت على بعض الاصدقاء اللى كنت اول مره بقابلهم فى حياتى وطبعا كا المتوقع والمتفق عليه من هيئة الردود العالمية انك لما تقول انا من اسكندرية يردوا عليك ويقولولك اجدع ناس او ايه اخبار اسكندرية .. لكن لما يقولك وعمارة العفاريت عاملة ايه ... لازم تقف وتفكر وتقول عفاريت ايه وتفتكر بسرعة عمارة رشدي ..

عمارة رشدي عمارة غريبة جدا العمارة اللى اتبنت من الستنيات تقريبا ومن يوم ما اتبنت لحد دلوقتى لم يسكنها احد ويقال انها مسكونه ... بعيد عن ودن السامعين ... الغريب برضه اننا من صغرنا بنسمع كلام كتير عن العمارة لدرجة انى واحد من الناس اللى رسمتلها فى خيالى صورة من افلام الرعب ... حاجة كده زي قلعة دراكولا .. او تشبها وممكن تسمع فلان اللى يقولك انى كان لى واحد صحبي كان شغال فى البنزينه اللى فى وشها وكل يوم يسمع صويت بليل والشبابيك بتفتح وتتقفل واللى يقولك ده كان فى ظابط قال ايه الكلام اللهبل ده ودخل العمارة لقه نفسه تانى يوم فى الشارع ... واللى يقولك الحنفيات بتنزل دم .... واللى يقولك انت بتسمع صريخ بس ده مش صريخ انس ده صريخ غريب .... زي ما يكون اتنين من العفاريت بيتخنقوا على سرير

او اللى يقولك ممكن تقوم الصبح تلاقى غسيل متنشر وبليل بيتشال ...... وكتير قوي من الكلام ده

عمارة رشدي عمارة كانت لونها رمادي ودلوقتى اقتربت للسواد من عوادم السيارات غيرالشبابيك المتهالكة اللى فى منها مقفول وفيها مفتوح مفهوش شبابيك والشبابيك المفتوحة متشفش من وراها غير سواد من كتر الظلام العمارة كلها مش مسكونه ومفيهاش اي حاجة شغاله غير الجراج اللى بيخدم سكان المنطقة وبابها بتاع المدخل مقفول بجدار من الطوب مبني من زمان ....

وطبعا الرأي المشهور فى سبب قفلها هو رأي العفاريت ...

وطبعا فى اللى بيقول انها اتسكنت عشان هى اصلا كانت مسجد وصاحبها طمع فى الارض وهد المسجد وبناها

ومنهم اللى بيقول ان صاحبها ندر ندر لو ربنا عطا له فلوس وقدر يبنيها هيعمل الدور الاول مسجد ولما اتبنت طمع فيها

وفى اللي بيقول انها اتبنت على مصحف وقع من واحد من العمال

وفى اللى بيقول انهم كانوا مجموعة شركه ونصبوا على واحد فيهم فرملهم عمل وهما بينوا وطلعت العمارة عليه

وفى اللى بيقول ان العمارة صاحبها بناها ومات على طول ومازل فى خلاف بين الورثه حتى الان

وفى اللى بيقول ان الوريث الوحيد بره مصر وطلع الاشاعة ديه عشان محدش يسرقها وهو مش موجود

وفى حاجات كتير بتقال لكن

السؤال عمارة فى رشدي على شارع ابوقير فى مكان متميز زي ده ازاي اصحاب المقاولات سيبنها وموقعها متميز جدا ازاي عمارة فى مكان الشقة لا تقل عن مليون جنيه متروكة حتى الان ... ولو فعلا العمارة مسكونه هل لا يوجد فى مصر شيخ يقدر ينظفها ... وازاي السكان اللى حوليها قدرين يعيشوا ...

وبكده ينتهى الموضوع وستظل عمارة رشدي لغز لا يفهمه الكثيير وهناك من يقتنع فعلا بان بها سكان من العالم الاخر وهناك من لا يقتنع بهذه الخرفات ولكن يبقى السؤال لما هى متروكة حتى الان ....

[ندعوك للتسجيل في المنتدى أو التعريف بنفسك لمعاينة هذه الصورة]

» ممكن نبنى مع بعض عمارة نسميها عمارة الحب
» ممكن نبنى مع بعض عمارة نسميها عمارة الحب