بسم الله الرحمن الرحيم
[ ناس بتسعي من أجل دعوة.............. وناس بتسعي من أجل شهوة
ناس بتسعي عشان الاصلاح ............ وناس متحبش حد يرتاح
ناس بتسعي لفعل الخير ................... وناس بتسعي لضر الغير
ناس مش عايزة اي فقير تعبان .......... وناس بتحب تستقوي علي ا
ناس بتسعي وتموت من أجل الحق ... وناس عمرها للباطل ماتقول لأ
ناس بتسعي بجد ليوم الحساب ......... وناس ناسية وبتسعي للخراب
ناس بتسعي من أجل شهادة ............. وناس بتسعي عشان تعصي زيادة
ناس بتسعي من أجل غزة .................. وناس بتسعي من أجل لذة
ناس كل همها نهضة أمتنا ................... وناس بتسعي عشان ذلة عزتنا
ناس ماشية مسلمة امرها للرحمن ... وناس بتقول انا تبع فلان وفلان
ناس بتتمني نعيم الجنة ...................... وناس بالحرام عايزه تتهنا
ناس بتقول هنمشي وراك يانبينا ....... وناس بتقول ياشيطان علي فين هتودينا
ناس حلمهم يقابلوا رسولنا الأمين...... وناس حلمهم يقابلو تامر وشيرين
ناس عمرهم ماكانوا في الدنيا طمعانين . وناس نفسهم يبقوا فيها مخلدين
ناس بتحب بعضها بجد وبإخلاص ........ وناس مابتحبش غير نفسها وخلاص
ناس لما بتعصي تعمل بحر بدموع العين .. وناس لما بتعصي ولا فارقه معاهم ولا حاسين
من الاخر كده
اختار أنت عايز تكون مع مين؟؟ .... مع الناس اللي في الشمال ولا في اليمين
الناس اللي في الشمال بالدنيا مخدوعين ... والناس في اليمين هتلاقيهم متراقبين
والناس في الشمال بالدنيا مبسوطين ......... والناس في اليمين غير رضي ربنا مش عايزين
والناس في الشمال عن حالهم برده مش راضيين . والناس في اليمين ساجدين شاكرين وحامدين
أصل السعاده مش في طريق اخره عذاب اليم ..... لكن السعادة في طريق نهايته جنة ونعيم
والفايز مش اللي يكسب دنيا اكيد هتزول ...... لكن الفايز اللي في الأخره يبقي مع الرسول
